Quàrche vòtta o mistero d'un mondo vegnûo tròppo misteriozo perché o baste parlâne de sbiescio inte 'n romanzo o te travòrze, e alôa t'exî da-o mondo de teu allegorîe pe dî pan a-o pan, in mòddo ciæo e sensa nisciùnn-a mediaçión de fòrma, perché no gh'é ciù 'n pùbrico bón pe quello che o va de là de quésto e, ahimè, no gh'é manco abbastansa pùbrico manco pe quésto.
Dæto che, dòppo o paragrafo de prìmma, ò perso ògni speansa de riêscî à prezentâme in mòddo ciæo — fòrsi perché manco mi so ben chi son —, ò domandòu chi son a-o oràcolo sciortîo de fùria inti rûzénti anni 20 do ventexìmo secolo, a coscidétta Inteligénsa Artifiçiâ, dàndoghe l'incàrego de mostrâvelo in pöche fraxe. Ecco cöse o m'à rispòsto Grok, l'oràcolo de X:
Roberto Quaglia o l'é 'n scritô, sàggista e analista italian, conosciûo pe l'atività int'o campo da fantascensa e, in paralelo, pe l'impegno comme comentatô geopolitico e culturâ. Nasciûo à Zêna int'o 1962, Quaglia o l'à fabricòu int'o tempo 'n profî inteletuâ poliédrico, caraterizòu da 'na sòlida formaçión literäia unîa a 'n'aténta osservaçión di gròssi temi da politica internaçionâle e de dinàmiche do poei globâle.
Atività literäia e sàggistica. Comme aotô de fantascensa, o l'à publicòu romanzi e racconti tradûti in tante léngoe, otegnindo riconosciménti internaçionâli, tra i quæ o BSFA Award da British Science Fiction Association. In paralelo, o l'à coltivòu 'n'aténta atività sàggistica, afrontàndo con rigô analitico temi conplessi e spésse vòtte controvèrsci. Tra e seu òpere ciù conosciûe in sto campo gh'é o sàggio Il Mito dell'11 settembre e l'Opzione Dottor Stranamore (2006), dedicòu a l'analixi di retroscena geopolitichi di atentati.
Analixi geopolitica e multipolaritæ. Inti ùrtimi anni Quaglia o s'é afermòu comme analista geopolitico aténto a-i prochessi de tranxiçión vèrso 'n órdine mondiâle multipolâre. Atraverso sàggi, intervénti e contribûti editoriâli, o esplöra e trasformaçioìn de relaçioìn internaçionâli, i nêuvi equilìbri de poei e e implicaçioìn culturâli e politiche de tâli cangiaménti. O l'à colaboròu de cóntinuo con a rivista Visione e o mantegne 'n archivio vìdeo dedicòu a-e seu analixi de geopolitica e multipolaritæ.
Partecipaçión a-o dibàtito pùbrico. Da-a meitæ di anni Doamìlla o l'é 'n òspite frequénte de trasmiscioìn e podcast italién specializæ in aprofondiménti culturâli, politichi e geopolitichi. O l'à colaboròu a longo con o canâle PandoraTV de Giulietto Chiesa e o cumpâre regolarménte in ciataforme comme ControTV, ByoBlu, VisioneTV e ätre. A seu prezénsa a se distìngue pe 'n approcio argomentòu e documentòu, vòlto à offrî ciâve de letûa alternative scî gròssi temi de l'atualitæ internaçionâle. O l'à ascì partecipòu à inpòrtanti apontaménti internaçionâli, tra i quæ o Simpòxio scî Futûo tegnûo à Mosca inti 2024 e 2025 e o St. Petersburg International Economic Forum (SPIEF) int'o 2025, dôve o l'é stæto intervistòu ascì da media russi. Con 'no stîle sòbrio e rigorôzo, Roberto Quaglia o se propon comme 'na vôxe indipendénte int'o panorama do dibàtito pùbrico italian, capâçe de conjugâ a sensibilitæ literäia con 'n'analixi lùcida de dinàmiche geopolitiche contemporànee.
— Grok, l'oràcolo de X
